Sumarrúllur að hætti Helgu Gabríelu

Hér er uppskrift af sumarrúllum sem ég útbjó og geri mjög oft. Ég fékk hugmyndina eftir að hafa farið nokkuð oft á PHO, sem er Víetnamskur veitingastaður í Ármúla. Þar fæ ég góðar sumarrúllur. Út frá því fór ég að fikra mig áfram með uppskriftina og byrjaði að útbúa sjálf heima.

Þessi réttur er tilvalinn að gera með fjölskyldu eða vinum, rétt eins og sushi. Þá er upplagt að vera búin að undirbúa hráefnið þ.e. að skera niður grænmetið, útbúa sósurnar og sjóða núðlurnar. 

Það sem ég set inn í rúllurnar er einfaldlega það sem er í ísskápnum að hverju sinni. Uppskriftin inniheldur það sem ég á oftast og nota mest en það er um að gera að bryta til og prófa sig áfram. 

Réttinn er einfalt að útbúa og mjög fljótlegt þegar þú kemst uppá lagið. 

Leyndarmál

Ég ætla segja ykkur frá smá leyndarmáli. Það er „Chiu Chow“ chili olían sem fæst í Víetnam Market á Suðurlandsbraut. Ég kynntist þessari dásemd þegar við mamma fórum í mat til vínkonu mömmu. Hún átti nokkuð margar krukkur af olíunni og nú ég skil af hverju „Chiu Chow“ olían er nánast góð með öllu eins og pasta, pizzu, salati og meira að segja ofan á ristabrauð.

Ég hef mjög gaman af asískri matagert og kíki því oft í Víetnam Market. En „Chiu Chow“ er sjaldan til en ef ég rekst á hana þá hamstra ég og kaupi ég margar krukkur rétt eins og mamma og vinkona hennar.  

Hráefni

Hrísgrjónatortillur (rice paper sheets)

Vermicelli núðlur

Risarækja, kjúklingur (ef vill)

Lárpera, skorin í strimla

Ferskt kóríander

Kálblöð

Gulrætur, skornar í strimla

Gúrka, skorinn í strimla

Límóna

Hnetusósa

1/4 bolli gróft hnetusmjör

1 mtsk Kewpie japanskt majónes (fæst í Hagkaup)

Safi úr 1 límónu

1 tsk Hlynsýróp, eða Agave

3 tsk Tamari

1 tsk hvítlauksmauk

3 dropar af Sesame oil (ekki nauðsynleg) 

1-3 tsk Chiu Chow chili oil (fæst í Víetnam Market, Suðurlandsbraut)

Tamari  chilli   dressing

1 rautt chili (fræin tekin úr) fín saxað

1 tsk Hlynsýróp 

1/2 mtsk röspuð engiferrót

2 mtsk Tamari sósa

Safi úr 2 límónum 

Fínsaxaður ferskur kóríander og fersk mynta 

Aðferð

1. Byrjið á að skera grænmetið, kjúklinginn og kryddjurtirnar og raðið öllu hráefninu á disk.

2. Blandið saman í sitthvora skálin hráefni fyrir hnetusósuna og Tamari ídýfinu og geymið í kæli - Það er ekki nauðsynlegt að útbúa báðar sósurnar, en mín reynsla er að það er gott að setja hnetusósuna inní rúlluna og dýfa þeim í Tamari chilli sósuna. 

3. Sjóðið vermicelli núðlurnar 2-3 min - stendur væntanlega á umbúðunum (varist að sjóða núðlurnar of lengi, því þá verða þær klístraðar).  

4. Hitið pönnu með köldu vatni og látið sjóða - leggið hrísgrjónatortilluna út í. Finnið hana mýkjast og takið upp úr þegar hún er orðin alveg mjúk (tekur  u.þ.b. 30-40 sek). Leggið hana á disk með hreinu viskustykki til að koma í veg fyrir að hún festist.

5. Raðið hráefninu á hrísgrjónatortilluna. Athugið að það sem þið látið fyrst, sést best. Ég sáldra oft svörtum sesamfræjum yfir hana fyrst, síðan einhverju litríku. Það er alveg einstaklega gott að kreista límónu yfir og rúlla hrísgrjónatortilluna saman. 

Passið að hlaða ekki of miklu á rúlluna. 

Njótið!

Helga Gabríela á Visi

http://www.helga-gabriela.com