Fótbolti

Barcelona landaði leikmanni frá Man. City

Sindri Sverrisson skrifar
Ferran Torres í leik með spænska landsliðinu.
Ferran Torres í leik með spænska landsliðinu. Getty/David S. Bustamante

Ferran Torres er orðinn leikmaður Barcelona sem þarf að greiða Manchester City 55 milljónir evra, jafnvirði 8,1 milljarða króna, fyrir leikmanninn.

Barcelona, sem átt hefur og á í miklum fjárhagserfiðleikum, fékk bankalán til að fjármagna kaupin. Að uppfylltum ákveðnum skilyrðum þurfa Börsungar svo að greiða tíu milljónir evra til viðbótar síðar meir.

Torres, sem er 21 árs, kom til City frá Valencia í ágúst 2020 og hefur skorað 16 mörk í 43 leikjum fyrir City.

Barcelona sótti það stíft að fá Torres, sérstaklega eftir að ljóst varð að Sergio Agüero, sem einnig kom frá City, yrði að leggja skóna á hilluna.

Enski boltinn Spænski boltinn

Mest lesið


Fleiri fréttir

Sjá meira


×

Mest lesið