Ný og nú­tíma­leg sveit í borg

„Hugmyndin um sveit í borg miðar að því að tryggja sem flestum íbúum beint aðgengi að grænu umhverfi og að íbúar njóti útsýnis yfir opin óbyggð svæði. Þess vegna var lögð áhersla á að gluggar væru stórir svo hægt væri að fá náttúruna inn og eru íbúðirnar því sérstaklega bjartar. Á efstu hæð hafa íbúðir auk þess stóra þakgarða,“ útskýrir Agnes Sigurðardóttir, markaðsstjóri hjá Þingvangi ehf sem er byggingaraðili nýju íbúðanna. Arkitekt er Nordic office of architecture og er verkfræðihönnun í höndum Conís ehf.

Alls eru íbúðirnar 84 í sex lágreistum fjölbýlishúsum ásamt bílastæðahúsi og verslunarhúsnæði. Framkvæmdir hófust 2022 og hafa gengið mjög vel og stefnt er að því að klára um næstu áramót. Allar íbúðirnar eru komnar á söluskrá og eru um fimmtíu íbúðir þegar seldar. 

„Salan hefur gengið vel og eru 58 íbúðir tilbúnar, 16 íbúðir verða klárar í nóvember og síðustu 10 íbúðirnar verða tilbúnar desember.“

Bæta öryggi og minnka hávaða

Agnes segir ráð gert fyrir lifandi byggð í góðum tengslum við skóla og útivistarsvæði. Unnið sé að lækkun á umferðarhraða og fjölgun göngu- og hjólastíga.

„Heildarskipulag svæðisins miðar að því að byggð sé í sem bestu samræmi við umhverfið og taki mið af hugmyndinni um Álftanes sem „sveit í borg“. Nútímalegt sveitaþorp með áherslu á samspil íbúðabyggðar og umhverfis. Þannig er gert ráð fyrir lifandi og fjölbreyttri byggð í góðum tengslum við skóla og útivistarsvæði. 

Þar sem húsin standa að miklu leyti á grænu svæði er gott útsýni úr mörgum íbúðana. „Þá á að leggja göngu og hjólastíga sem tengja hverfið við núverandi stígakerfi og um opin græn svæði þannig að öruggt aðgengi verði fyrir gangandi og hjólandi að þróttamannvirkjum og skóla ásamt bættu aðgengi að strætóstoppistöðvum. Einnig er unnið að þrengingum á nokkrum vegum til að lækka umferðarhraða til að bæta öryggi og minnka hávaða,“ segir Agnes.

Áhuginn á nýju íbúðunum kemur ekki á óvart. Staðsetningin er frábær og íbúðirnar fjölbreyttar, tveggja til fimm herbergja og vel skipulagðar.

„Þetta eru allt sérstaklega bjartar íbúðir með mikilli lofthæð og þægilegu aðgengi, sér þvottahús og flest baðherbergi eru með glugga. Þess má geta að allar íbúðirnar eru loftræstar með sjálfstæðu loftskiptikerfi sem blæs fersku lofti inn í íverurými og dregur loft út af baðherbergjum, þvottahúsi og eldhúsi. Þetta dregur meðal annars úr upphitunarkostnaði."

Innangengt er í sameiginlegan bílastæðakjallara úr hverju húsi ásamt nægum bílastæðum ofanjarðar.

Hér fyrir neðan má fletta í gegnum fleiri myndir frá Lambamýri.

Allar innréttingar eru sérsmíðaðar og ná allir skápar upp í loft (fyrir utan innréttingar á baðherbergjum). Borðplata er vönduð 19 mm. ljós með marmaraútliti. Vaskur og blöndunartæki eru svört og höldur á neðri skápum svartar. Eldhúsinnréttingunum fylgir innbyggður ísskápur með frysti, svartur ofn, innbyggð uppþvottavél og kolasíuvifta. Eldhústæki eru af tegundinni AEG, Electrolux eða sambærilegt en viftan af gerðinni Elica Lane. Baðherbergi eru flísalögð og þvottahús þar sem við á en að öðru leyti eru íbúðirnar afhentar án gólfefna. Hvítar innréttingar eru á baðherbergjum. Tæki og salerni frá Grohe. Innihurðir eru hvítar yfirfelldar hurðir frá Parka eða sambærilegt.