Hvernig er best að hlaða bílinn?

Að kaupa rafbíl felur í sér margar nýjar áskoranir og ein af þeim er að koma sér upp hleðslustöð heima. Langflestir rafbílaeigendur hlaða bílana sína heima enda fylgja því mikil þægindi að hafa heimahleðslustöð og geta treyst því að rafbíllinn sé fullhlaðinn þegar farið er út í daginn.

Það hljómar kannski einfalt að koma sér upp heimahleðslu en þegar betur er að gáð kemur í ljós að það er ansi margt sem þarf að huga að.

Ekki er mælt með því að nota venjulega „innstungu“ við hleðslu rafbíla og tengiltvinnbíla, þar sem þær eru ekki hannaðar fyrir svona mikið afl í þann tíma sem það tekur að hlaða rafbíl og getur það valdið skemmdum eða bruna. Einnig tekur hleðsla úr „innstungu“ mun lengri tíma en með heimahleðslustöð.

Hvað þarf ég að gera?

Það fyrsta sem þarf að huga að er að finna löggildan rafverktaka sem þekkir uppsetningu hleðslustöðva. Næst þarf að velja hleðslustöð sem uppfyllir þínar þarfir og ganga úr skugga um að stöðin sé sett upp á fullnægjandi hátt.

Og hleðslustöð er ekki bara hleðslustöð því úrvalið er orðið gríðarlega mikið og ekki einfalt mál að rata um þann frumskóg. Að auki er fjöldi rafverktaka auðvitað mikill og það er mjög mismunandi hversu vel þeir eru að sér í uppsetningu hleðslustöðva. Rafhlöður í rafbíl eru afar öflugar og eru að taka inn á sig mikið magn rafmagns – því skiptir miklu máli að vandað sé til verka.

Ekki flækja málin

Orka náttúrunnar hefur verið í fararbroddi við uppbyggingu hleðsluinnviða þegar kemur að orkuskiptum í samgöngum og höfum við verið að þróa vöruframboð okkar í takt við síbreytilegar og auknar kröfur rafbílaeigenda.

Í dag bjóðum við upp á frábæra lausn fyrir þá rafbílaeigendur sem vilja hafa hleðslustöð heima hjá sér. Til þess að flækja málin sem minnst höfum við útbúið svokallaða Heimahleðslu í áskrift.

Með þessari lausn erum við að leysa margar af þeim áskorunum sem rafbílaeigendur standa frammi fyrir við val á hleðslustöð. Með því að velja þessa leið þá leigir rafbílaeigandinn hleðslustöðina af Orku náttúrunnar sem hefur á sínum snærum mjög hæfa rafverktaka sem sérhæfa sig í uppsetningu hleðsluinnviða. Þannig leiðbeinum við fólki með val á grunnneti sem er forsenda þess að geta sett upp hleðslustöð.

Með mjög einföldum hætti er hægt að leggja málið í hendur sérfræðinga Orku náttúrunnar sem sjá um alla þætti verksins frá upphafi til enda, og sjá til þess að rafbílaeigendur þurfi svo bara að stinga rafbílnum í samband.

Með Heimahleðslu í áskrift þarf ekki að velta fyrir sér hvaða hleðslustöð skuli velja, hvern þurfi að fá til þess að setja hana upp eða leggja út alla þá hundrað þúsundkalla sem það kostar að kaupa sér hleðslustöð heim.

Enn fleiri kostir áskriftar

Sveigjanleiki Heimahleðslu ON gerir fólki kleift að segja upp áskrift tímabundið ef hentar og er því ekki bundið í þeirri fjárfestingu sem felst í því að kaupa sér hleðslustöð

Einnig hentar áskrift mjög vel þegar skipt er um húsnæði þar sem nýr eigandi getur þá tekið við áskriftinni og engin hætta er á því að þú sitjir uppi með hleðslustöð sem nýtist ekki á nýjum stað. Þjónustuver ON sér svo um að vakta hleðslustöðina, bregðast við bilunum og aðstoðar ef upp koma vandamál við hleðslu án viðbótar kostnaðar. ON sér um allan rakstur og viðhald á stöðvunum.

Sveigjanleikinn er því klárlega mjög mikill og engin binding á sér stað. Þrátt fyrir það er öll þjónusta innifalin í mánaðargjaldinu, þ. á m. greiðslumiðlun í fjölbýli sem þýðir að gjaldkeri húsfélagsins þarf ekki að skipta raforkukostnaði á milli notenda um hver mánaðarmót. Það gerist allt sjálfkrafa með ON-appinu. Þegar grunnnet er til staðar er auðvelt að fjölga eða fækka stöðvum með litilli fyrirhöfn þar sem binditími er stuttur. Hentar t.d. leigjendum mjög vel þar sem þau þurfa ekki að fjárfesta í hleðslustöð til skamms tíma.

Ein ódýrasta leiðin

Allar uppfærslur á stöðinni eru innifaldar í verði og því verður þessi lausn okkar aldrei úrelt. Fyrir fjölbýli hentar álagsstýring okkar á heimahleðslum einnig vel. Það þýðir að þó margar stöðvar séu á sömu grein fá allir jafn mikið rafmagn. Við bjóðum bæði upp á opin og lokuð kerfi þannig að í fjölbýlum er hægt að velja ákveðinn hóp sem getur notað hleðsluna eða hún getur verið opin fyrir hvern sem er – ef það er vilji fyrir því.

Að lokum má nefna að raforkuverðið er það sama og almennt raforkuverð Orku náttúrunnar sem gerir Heimahleðslu ON í áskrift að einni ódýrustu leiðinni fyrir þá sem vilja hlaða rafbílinn sinn heima.

ON stendur fyrir opnum fundi um hleðslulausnir fyrir fjölbýli á Bæjarhálsi 1 í dag miðvikudag og hefst hann klukkan 12. Fundurinn er hann í beinni útsendingu hér á Vísi.

Fjölbreyttar lausnir fyrir öll húsfélög

Hér má sjá dæmi um vel heppnaða lausn þar sem íbúar eru ekki með sér stæði.