Bein út­sending: Dregið í undan­keppni HM

Ísland er í þriðja styrkleikaflokki fyrir dráttinn en hér er hægt að lesa nánar um fyrirkomulagið í drættinum. Styrkleikaflokkana má sjá hér að neðan en dregið verður í tólf fjögurra eða fimm liða riðla. Efsta lið hvers riðils kemst beint á HM en liðin í 2. sæti í umspil.

Áður hefur verið fullyrt, meðal annars af KSÍ og hér á Vísi, að Ísland yrði í fjögurra liða riðli vegna Þjóðadeildarumspils í mars, en eftir að FIFA breytti reglum um dráttinn í lok nóvember eru minni háttar líkur á að Ísland endi í fimm liða riðli.

Útsending frá drættinum hefst klukkan 11 í spilaranum hér að neðan:

Allt bendir til þess að mótherjar Íslands í undankeppninni spili á nýjum Laugardalsvelli með blönduðu grasi. Þar standa framkvæmdir yfir sem á að ljúka í vor. Ef Ísland spilar í fimm liða riðli hefst undankeppni liðsins í júní, en annars í september.

Ljóst er að Ísland mætir í undankeppnina með nýjan landsliðsþjálfara því Åge Hareide er hættur. Nýr þjálfari mun hins vegar byrja á að stýra Íslandi í leikjum við Kósovó, í Þjóðadeildarumspilinu í mars.

Það að Þjóðadeildinni sé ekki lokið flækir undankeppni HM talsvert, bæði vegna umspila og vegna 8-liða úrslitanna. Sigurliðin í 8-liða úrslitum Þjóðadeildar fara í fjögurra liða riðla en tapliðin í fimm liða riðla, og því verður ekki ljóst nákvæmlega í hvaða riðlum þessar átta þjóðir lenda fyrr en í lok mars.

Styrkleikaflokkarnir

Styrkleikaflokkur 1

• Sigurlið Frakkland-Króatía
• Sigurlið Spánn-Holland
• Sigurlið Portúgal-Danmörk
• Sigurlið Ítalía-Þýskaland
• Taplið Frakkland-Króatía
• Taplið Spánn-Holland
• Taplið Portúgal-Danmörk
• Taplið Ítalía-Þýskaland
• Belgía
• Austurríki
• England
• Sviss

Styrkleikaflokkur 2

• Úkraína
• Svíþjóð
• Tyrkland
• Wales
• Ungverjaland
• Serbía
• Pólland
• Rúmenía
• Grikkland
• Slóvakía
• Tékkland
• Noregur

Styrkleikaflokkur 3

• Skotland
• Slóvenía
• Írland
• Albanía
• Norður-Makedónía
• Georgía
• Finnland
• Ísland
• Norður-Írland
• Svartfjallaland
• Bosnía
• Ísrael

Styrkleikaflokkur 4

• Búlgaría
• Lúxemborg
• Hvíta-Rússland
• Kovósó
• Armenía
• Kasakstan
• Aserbaídsjan
• Eistland
• Kýpur
• Færeyjar
• Lettland
• Litháen

Styrkleikaflokkur 5

• Moldóva
• Malta
• Andorra
• Gíbraltar
• Liechtenstein
• San Marínó