Hóp­kaup hefur sparað þjóðinni 4,5 milljarða

„Það var svo sannarlega kominn tími á breytingar en það er ekkert grín að snúa við ímynd á vörumerki sem ekki hefur verið ræktað í mörg ár,“ segir Marín Eydal Sigurðardóttir, rekstrarstjóri Hópkaupa. „Það var því kominn tími til að dusta rykið af Hópkaup með nýju og fersku útliti, vefsíðu með uppfærðri notendaupplifun og endurnýjaða sýn og skuldbindingu við samfélagið.“

Hún segir stjórnendur Hópkaupa hafa viljað eitthvað sem er djarft, ferskt og framsækið, en á sama tíma halda í gömlu Hópkaups-tilfinninguna. „Nýju litirnir eru bjartari og merkja orku og gleði. Við viljum minna viðskiptavini okkar á að það að finna frábær tilboð og einstakar upplifanir á að vera spennandi og áhyggjulaust ferli.“

Nýtt andlit Hópkaupa kynnt til sögunnar

Í kringum nýja vefinn var farið í vinnu með auglýsingastofunni Hér & Nú en þar fæddist hugmyndin um vinalega pulsuhundinn Borgþór sem er í dag nýtt andlit Hópkaupa.

„Borgþór þefar alltaf uppi bestu tilboðin og er traustur vinur fólksins. Hundar eru vinalegir og skemmtilegir félagar sem færa fólki gleði. Tilboð eru að sama skapi bæði skemmtileg og færa fólki mikla gleði. Tilboð eru í raun næstbestu vinir mannsins!“

Hún segir Borgþór smellpassa við gildi Hópkaupa og það sem fyrirtækið stendur fyrir. „Við erum hæstánægð með nýja fjölskyldumeðliminn og erum þakklát fyrir að fá að vinna með svona skemmtilega og fallega hönnun.“ 

Lægra verð í krafti fjöldans

Hópkaup er í grunninn vefur þar sem ný tilboð koma inn daglega. Fólki býðst að kaupa hluti á lægra verði í krafti fjöldans vegna þess að svo margir eru að kaupa sömu vöruna. „Helstu flokkar eru gámatilboðin sem er ein af grunnstoðum Hópkaupa og þar má finna vörur eins og sjónvörp, æfingavörur, göngubretti, ryksugur og fleira. Gámatilboðin virka þannig að við forseljum vörur í miklu magni og pöntum svo heilan gám, þannig náum við besta verðinu í krafti fjöldans.“

Einn nýr flokkur hjá Hópkaup inniheldur sannkölluð ofurtilboð sem er nánast eins og gámatilboð nema fyrir þjónustutilboð. „Þá kaupum við gjafabréf í miklu magni af fyrirtækjum og endurseljum á betra verði í krafti fjöldans.“

Dekur flokkurinn er einnig mjög stór og inniheldur fjölmörg tilboð fyrir þá sem vilja gera vel við sig eða gefa öðrum slíkt í gjöf. „Þar má finna nudd, snyrtimeðferðir og fleira. Við bjóðum upp á tilboð á veitingastöðum, hótelum og fjölmargar vörur sem henta vel í jólapakkann.“

Viðskiptavinir vilja oft meira en góð verð

Það eru sannarlega spennandi tímar framundan fyrir Hópkaup. „Heimurinn breytist hratt og væntingar neytenda með honum,“ segir Marín. „Þótt að við höfum byggt upp sterkan grunn sem vettvang fyrir tilboð hér á landi skiljum við að fólk leitar að meiru en bara sparnaði. Það vill eftirminnilegar upplifanir, persónulegar gjafir, einfaldleika og vettvang sem er lifandi og býður upp á sérsniðið og persónulegt viðmót.“

Gjafabréf sem hvorki gleymast né týnast

Sú endurmörkun sem stjórnendur Hópkaupa fóru í snýst um að mæta þessum þörfum. Í kjölfarið var kynnt ný veflausn sem er studd af Gift-to-Wallet vistkerfi Leikbreytis (Game Chang3r). „Nú geta viðskiptavinir okkar sett gjafabréfin sín beint í Apple eða Google veskið strax eftir kaup. Ekkert vesen, bara fáránlega góðir dílar! Samstarfsaðilar geta einfaldlega skannað inn gjafabréfin okkar eins og þau væru þeirra eigin. Markmiðið er að gera alla upplifun fyrir bæði viðskiptavini og samstarfsaðila eins einfalda og fljótlega og mögulegt er.“

Hópkaup nýrra tíma

Eftir meira en áratug sem leiðandi tilboðsvefur á Íslandi er Hópkaup að færa þjónustuna yfir á næsta stig með nýrri vefsíðu og spennandi endurnýjun á gjafabréfunum. Frá opnun nýja vefsins hefur hlutfall notenda sem snúa aftur á vefsíðuna vaxið um 35%. „Þessir notendur eru að eyða 46% meiri tíma á síðunni og meðaltími gesta á síðunni hefur aukist um 48%. Þessi aukning sýnir að fólk finnur virði í nýju síðunni og velur að koma aftur og oftar. Þetta er merki um betri notendaupplifun, meira úrval, betri díla frá flottum söluaðilum og almennt meiri áhuga.“

Frá því Hópkaup var stofnað 2011 hefur fyrirtækið selt meira en 1,5 milljón tilboða og sparað þjóðinni með þeim í kringum 4,5 milljarða.

Hópkaup vill vera aðal áfangastaðurinn

Hópkaup fær mörg þúsund heimsóknir á hverjum degi og þetta er aðeins byrjunin segir Marín. „Við erum að keyra yfirgripsmikla markaðsherferð til að kynna nýja útlitið okkar fyrir þjóðinni. Fyrir utan það erum við stöðugt að kanna nýjar leiðir til að bæta vettvanginn okkar, hvort sem það er í gegnum samstarf, nýja tækni eða aukið úrval. Markmið okkar er að vera aðal áfangastaðurinn fyrir þau sem vilja finna tilboð, upplifanir og verðmæti og við erum spennt fyrir því sem er framundan.“

Enn betri tilboð um helgina

Á Hópkaup eru tilboðsdagar alla daga ársins að sögn Marínar. „En við förum skrefi lengra á hefðbundnum tilboðsdögum og munum bjóða upp á spennandi ofurtilboð á Black Friday og Cyber Monday. Þar má nefna alvöru afslátt af bíómiðum, fjölmörg veitingatilboð, dekur á dúndur verði og margt fleira.“

Áhugasamir samstarfsaðilar geta haft samband við Hópkaup með því að senda tölvupóst á [email protected].