Einhleypan: Fólk sem er bara með selfís lítur út fyrir að eiga enga vini

Sumarplön Margrétar eru lituð af brúðkaupsgiggum, ást og gleði þar sem hún starfar sem athafnastjóri hjá Siðmennt, veislustjóri og plötusnúður. 

Að sögn Margrétar kveið hún í fyrstu fyrir sumrinu og vera umvafin ástföngnum pörum þar sem stutt er frá því að hún sleit samvistum við barnsföður sinn. 

Aðstæðurnar hafa þó verið henni til góðs, bæði heilandi og nærandi fyrir sálina. 

Hér að neðan svarar Margrét spurningum í viðtalsliðnum Einhleypan.

Aldur? 39 ára.

Starf? Skemmtikraftur, DJ, fjöllistadís, danskennari, burleskdansmær og eitthvað meira líka.

Áhugamál? Allt sem ég vinn við og raunveruleikasjónvarpsþáttur um fólk að leita að ástinni.

Gælunafn eða hliðarsjálf? Mokki.

Aldur í anda? Að meðaltali 39 ára.

Menntun? Stúdentspróf og eitthvað lufs í ensku sem aldrei var kláruð í háskóla.

Hvað myndi sjálfsævisagan þín heita? Það er asnalegt að vera feiminn.

Guilty pleasure kvikmynd? Ég hef alveg ofboðslega gaman að Hallmark-formúlu-jólamyndum. Annars er The Court Jester með Danny Kaye er eina kvikmyndin sem ég get horft á aftur og aftur. Aulahúmor af bestu gerð.

Varstu skotin í einhverjum frægum þegar þú varst yngri? Leonardo DiCaprio.

Talar þú stundum um þig í þriðju persónu? Þegar ég er að skrifa texta um námskeiðin mín neyðist ég til þess.

Syngur þú í sturtu? Hvað þá? Auðvitað. Mest er ég að taka Gloria og Self Control með Laura Branigan. Söngleikjalög eru líka í uppáhaldi.

Væri fíll ef hún væri dýr

Uppáhalds snjallforritið (e.app) þitt? Instagram

Ertu á stefnumótaforritum? Já. Langar að nýta tækifærið og benda fólki sem er bara með selfís að það lítur út fyrir að eiga enga vini.

Hvernig myndir þú lýsa þér í þremur orðum? Upptekin, safarík, sönn.

Hvernig myndu vinir þínir lýsa þér í þremur orðum? Besserwisser, dugleg, sniðug.

Hvaða persónueiginleikar finnast þér heillandi? Lífsgleði, metnaður, taktur.

En óheillandi? Óhreinlæti, að tala illa um fyrrverandi og alkóhólismi.

Hvaða dýr værir þú ef þú værir dýr? Fíll. Listræn en langrækin, og þyrfti að vera duglegri að bera á mig krem.

Mér finnst ég örlítið betri en annað fólk þegar ég segi, nei takk, ég drekk ekki kaffi.

Ef þú mættir velja einhverja þrjá einstaklinga úr sögunni (lífs eða liðna) til að bjóða í kvöldmat og spjall, hverja myndir þú velja? Af öllum í heiminum langar mig nú bara að tala við Diljá Ámundadóttur, Brynju Huld Óskarsdóttur og Unu Sighvatsdóttur. Við eigum agalega erfitt með að finna tíma saman í mat og spjall.

Býrðu yfir einhverjum leyndum hæfileikum? Nei, hef einstakan hæfileika til þess að breyta hæfileikum mínum í vinnuna mína og á afar bágt með að halda þeim leyndum.

Hvað finnst þér skemmtilegast að gera? Borða með skemmtilegu fólki, svitna í danstíma, syngja karaoke, búa til burlesk, ferðast og allra best er að gera nákvæmlega ekki neitt.

Hvað finnst þér leiðinlegast að gera? Taka til.

Ertu A eða B týpa? B týpa.

Hvernig viltu eggin þín? Ófrjóvguð.

Hvernig viltu kaffið þitt? Ég drekk ekki kaffi, nema í espresso martini og í affogado. ATH, mér finnst ég örlítið betri en annað fólk þegar ég segi, neitakk, ég drekk ekki kaffi."

Þegar þú ferð út að skemmta þér, á hvaða staði ferðu? Röntgen og Slipper Room.

Mig langar líka mjög mikið að vinna á skemmtiferðaskipi

Ertu með einhvern bucket lista? Ég á eftir að fá mér sushi í Japan og við Bjössi vinur minn erum með drauma um að borða einhvern tímann á French Laundry. Mig langar líka mjög mikið að vinna á skemmtiferðaskipi: Kenna danstíma á daginn, skemmta á kvöldin, vera með karaoke og pubquiz og eitthvað. Ha.

Draumastefnumótið? Panta alla forréttina og eina freyðivínsflösku.

Einhver söngtexti sem þú hefur sungið vitlaust? Sem lítið barn söng ég HESTINN APINN í Ég sé um hestinn þú sérð um hnakkinn. Annars er ég besserwisser og gúgla alla texta í dag og svampa þá og læri.

Hvað horfðir þú á síðast í sjónvarpinu? Love Island, djöfull er það gott.

Hvaða bók lastu síðast? Skrímslapest.

Hvað er ást? Umhyggja, hreyfiafl, stuðningur, nánd, mennska og hlýja.