Gerrard hvíldur í vetur

Steven Gerrard, fyrirliði Liverpool, verður hvíldur reglulega á komandi keppnistímabili til þess að hann verði ekki ofkeyrður fyrir heimsmeistarakeppnina í Þýskalandi á næsta ári. Fyrsti leikur Liverpool á tímabililinu var í gær, þegar Liverpool vann TNS frá Wales 3-0 í forkeppni Meistaradeildar Evrópu, en Gerrard lék allar níutíu mínúturnar fyrir Liverpool. "Ég hef þegar rætt við þjálfarateymið og knattspyrnustjórann, og þeir eru sammála mér í því að regluleg hvíld sé nauðsynleg svo ég geti verið ferskur í heimsmeistarakeppninni á næsta ári. Hópurinn er líka orðinn breiðari núna og því meiri möguleiki fyrir félagið að hvíla lykilmenn stöku sinnum. Ég er bjartsýnn á gott gengi á tímabilinu."